ايسته ييرسن كي معلم! بيز اوره كده ن باريشاق

آغزيميزدا ديليمز وار، قوي او ديلده دانيشاق

مدنيت بوروموش علم له دنيا اوزونو

داها تنبل ليگي آت، گل گئجه – گوندوز چاليشاق

اشتباه ايله مه يين وار هر ايشين قاعده سي

او شيرين يئرلي ديلين، مركزه يوخ فايده سي

شاگردلر:

آي معلم! اونو اورگه نمه گه يوخ طاقتيميز

آنا ديلينده دانيشيب، گولمه ك اولوب عادتيميز

چوق بويوك دور او غريب ديل جيراجاق آغزيميزي

بيز تصور ائله ديكجه ده گيشير حالتيميز!

معلم:

سيز اوشاقسيز، نه بيليرسيز آي اوغول ياخشي – يامان

خراسان دا بو ديله حرمت ائدير پير و جوان

اونلارين خاطرينه، سيزده گره ك اورگه نه سيز

سوزومو رد ائله سيز، دولت ائده ر باشقا گومان

شاگردلر:

آي معلم! بير اوتان ري لي، گيلانلي ده گيليك

ائليميز، يوردوموز آيري، گاوانلي ده گيليك

آذرستاندي بيزيم ميللتيميز، تاريخه باخ

معده دن سويله ميريك، فكري دومانلي ده گيليك

معلم:

منه تاريخ اوخوماق ايندي ياراشماز بيليرم

دوزو، لاپ زور – زوراكي حققوزي انكار ائديرم

ديليزي ترك ائله ييب ايندي گرك فاسلاشاسيز

آدوزو تاريخين اول وره قينده ن سيليره م

«محمد بي ريا» اوره ك سوزلري

اثر زنده ياد استاد يحيي شيدا

ارك نشري1360ص 46