قاراباغ (استاد يحيي شيدا)
سه شنبه 17 آبان 1390
قاراباغ
بوغونتو، ايشگنجه! بدنلر تاپدانير، قانلار تؤكولور،
آلاچيق لار اوچور، ائولر سوكولور
اسگي اولگوجونو، ساولاميش زمان
سئويله يير: قان – قان!
تانك لار، اوبالار ائولر اوچوردور
بويانيب داغ – دره قيزيل قانلارا
وجدان آجي گولور، بو انسانلارا
اؤلومون قارتالي، آچميش قانادين
توتور جايناغيندا، آدم ائولادين
داشناكين قره گون يازان قلمي، مظلوملار طالعين يازير،
حياتين، وارليغين، ريشه سين قازير
لاي با لاي، اوست – اوسته ياتير جوانلار
شهادت شربتي ايچير انسانلار
«قراباغ» ياد ده ييل، قارداشدير بيزه
غضب اولان حقيني ايسته يير
مسلمان ملتين دادا سسله يير
قارتال تك، داغلارين ذيروه لرينده
سيلديريم قايلار، كول لار ديبينده
استقلال سنگري
اولو داغ كيمي
دايانير هفته لر، آيلار، ايللردير
آنجاق قارشيلانير اويونجاق كيمي
سرگردان ائرمني، غضب ائديب يوردون
يئرليني، يئرسيزلر ائتميشلر سورگون
اوز صلاحين گودور، خلقي قيرمادا
باخمايير دادا، چاتمير فريادا
*
انسان طبيعتا يارانيب آزاد
آزاد ياشامالي هر نفس چكن
بو حقي هئچ قدرت، اوندان آلانماز!
انسان، قول – قانادي سينميش قوش كيمي
قفسده، داردا قالانماز!
*
گولله لر پارتلايير، ائولر سوكولور،
هر ياندان غم ياغير، ماتم توكولور
بو حقسيزليك لره، جنايتلره
سئل كيمي پاك قانلار آخير، فريشته آغلايير، شيطانلار باخير
يوكسه لير هر ياندان لعنت سسلري
انسانليق چكيري، سون نفس لري
امك لر، امل لر، ديلك لر بوتون
وداع ائتمه ده دير بو انسانلاري
قانلاردان قيزاريب يئر – گوي شفق تك
لاله لر بيتيريب انسان قانلاري
آنالار حسرتي، اوغول لار داغي
بورويوب اوباني، هر داشي – داغي
بو ويران اولموش يورد، هراردير، هارا؟
ويتنام؟ يوخ!
ناكازاكي؟ يوخ!
بس نه دير بو ويران اولموشون آدي؟
گؤردوم بير حزين سس دئدي:
بو يئر قاراباغ دير، قانلي قاراباغ!
استاد يحيي شيدا
آلاچيق لار اوچور، ائولر سوكولور
اسگي اولگوجونو، ساولاميش زمان
سئويله يير: قان – قان!
تانك لار، اوبالار ائولر اوچوردور
بويانيب داغ – دره قيزيل قانلارا
وجدان آجي گولور، بو انسانلارا
اؤلومون قارتالي، آچميش قانادين
توتور جايناغيندا، آدم ائولادين
داشناكين قره گون يازان قلمي، مظلوملار طالعين يازير،
حياتين، وارليغين، ريشه سين قازير
لاي با لاي، اوست – اوسته ياتير جوانلار
شهادت شربتي ايچير انسانلار
«قراباغ» ياد ده ييل، قارداشدير بيزه
غضب اولان حقيني ايسته يير
مسلمان ملتين دادا سسله يير
قارتال تك، داغلارين ذيروه لرينده
سيلديريم قايلار، كول لار ديبينده
استقلال سنگري
اولو داغ كيمي
دايانير هفته لر، آيلار، ايللردير
آنجاق قارشيلانير اويونجاق كيمي
سرگردان ائرمني، غضب ائديب يوردون
يئرليني، يئرسيزلر ائتميشلر سورگون
اوز صلاحين گودور، خلقي قيرمادا
باخمايير دادا، چاتمير فريادا
*
انسان طبيعتا يارانيب آزاد
آزاد ياشامالي هر نفس چكن
بو حقي هئچ قدرت، اوندان آلانماز!
انسان، قول – قانادي سينميش قوش كيمي
قفسده، داردا قالانماز!
*
گولله لر پارتلايير، ائولر سوكولور،
هر ياندان غم ياغير، ماتم توكولور
بو حقسيزليك لره، جنايتلره
سئل كيمي پاك قانلار آخير، فريشته آغلايير، شيطانلار باخير
يوكسه لير هر ياندان لعنت سسلري
انسانليق چكيري، سون نفس لري
امك لر، امل لر، ديلك لر بوتون
وداع ائتمه ده دير بو انسانلاري
قانلاردان قيزاريب يئر – گوي شفق تك
لاله لر بيتيريب انسان قانلاري
آنالار حسرتي، اوغول لار داغي
بورويوب اوباني، هر داشي – داغي
بو ويران اولموش يورد، هراردير، هارا؟
ويتنام؟ يوخ!
ناكازاكي؟ يوخ!
بس نه دير بو ويران اولموشون آدي؟
گؤردوم بير حزين سس دئدي:
بو يئر قاراباغ دير، قانلي قاراباغ!
استاد يحيي شيدا
بؤلوم :
یازار : محمد امين